The L Word (US)

Америкийн телевизийн драм болох "The L Word" 2004 онд эхэлсэн бөгөөд 2009 онд дууссан. Кино бүхэлдээ лесби бүсгүйчүүдийн амьдрал, үр, хүүхэд, хайр, сэтгэл, хардалт, хууралт гээд л бүх л зүйлийн талаар гардаг. Нийтдээ 6 бүлэг 70 ангитай. Энэ кинонд лесби бүсгүйчүүдээс гадна трансжендер болон гей хүмүүсийн амьдрал гардаг.
Киноны гол дүр болон хос Бэтт, Тина хоёр хамтдаа 7 жил амьдарсан бөгөөд тэд хүүхэд шинжлэх ухааны аргаар суулгаж хүүхэдтэй болцгоодог. Гэвч Бэтт алдаа гаргаж Тинаг хуурснаар тэдний хооронд маш том асуудал үүсдэг.

Тэдний найз Алис хөгжилтэй, романтик бас нилээд чалчаа нэгэн. Тэрээр радиод нэвтрүүлэгчээр ажилдаг бөгөөд үргэлж хувийн амьдралынхаа талаар, найзуудынхаа талаар өөрийн нэвтрүүлэгээрээ ярьдаг. Тэр үргэлж сайхан найз бүсгүйтэй болж, романтик хайр үүсгэхийг хүсдэг ч хүссэнээр нь болдоггүй тул гей амьдралаас татгалзаж стрейт болохоор шийддэг.

Харин Шэйн бол маш хүүхэмсэг. Тэр хүүхнүүдийг оймс шигээ сольдог. Хэзээ ч хэн нэгэнтэй холбогдож, үерхэхийг хүсдэггүй, тэднээс зөвхөн секс л хүсдэг. Шейн бол бүсгүйчүүдэд сайн найз болж чадахаас хэзээ ч сайн girlfriend болж чадахгүй.
Мөн тэдний нэг найз болох Дана бол тамирчин бүсгүй. Тэрээр олны танил тул өөрийнхөө гей гэдгийг хүмүүсээс нууцлахыг илүүд үздэг.
Кит бол Бэттийн эгч 40 гарсан бүсгүй. Тэрээр стрэйт. Ганц бие ээж. Тэр сайхан сэтгэлтэй бүсгүй бөгөөд үргэлж дүүгээ дэмждэг мөн тэдний найзуудтай сайхан харьцаатай байдаг.

Кино эхлэхэд нэгэн залуухан хос болох Женни, Тим хоёр хамтдаа амьдрахаар Лос Анжелесд нүүж ирдэг. Тэд тэдний шинэхэн хөрш болох Бэтт, Тина хоёрыг гей гэдгийг мэддэггүй. Нэг өдөр Бэтт, Тина хоёр гэртээ үдэшлэг зохиож Женни, Тим хоёрыг урьдаг. Энэ үед Женни анх удаа лесби бүсгүйчүүдтэй танилцдаг бөгөөд тэдний дунд байсан Марина гэдэг бүсгүйтэй мөн танилцсанаар Женнигийн амьдрал ирээдүйд маш ихээр өөрчлөгддөг.